Brent munaıynyń baǵasy bir jarym jyl ishinde alǵash 57$ asty

ASTANA. QazAqparat - Munaı eksporttaýshy elder uıymy (OPEK) men kartelge kirmeıtin memleketter arasynda munaı óndirisin qysqartý týraly kelisimge qol jetkizilgennen keıin, Brent markaly munaıynyń fıýcherster quny 2015 jyldyń 21 shildesinen beri alǵash ret 57 dollardan asty.

Muny  Londondaǵy ICE Qurlyqaralyq bırjasynyń saýda-sattyq málimetterinen kórýge bolady, dep habarlaıdy QazAqparat.

Senbi, 10 jeltoqsan kúni Venada OPEK-ke múshe emes elder mınıstrleriniń kartelge enbeıtin memleketter ókilderimen kezdesýi aıaqtaldy. Otyrys alty saǵatqa jalǵasyp, nátıjesinde munaı óndirisin shekteý týraly kelisimge qol qoıyldy. Reseı energetıka mınıstri Aleksandr Novaktyń habarlaýynsha, kelisimge OPEK-ke kirmeıtin 11 memleket qosyldy. Olar alǵashqy jartyjyldyqta munaı óndirisin shamamen táýligine 560 myń barrelge deıin azaıtatyn bolady.

Aıta keteıik, 30 qarasha kúni OPEK quramyndaǵy memleketter munaı óndirisin qysqartý týraly kelisken bolatyn: 2017 jyldyń qańtar aıynan bastap ol táýligine 1,2 mıllıon barrelge deıin qysqarady. Sol kúni Novak Reseıdiń otyn óndirisin táýligine 300 myń barrelge deıin azaıtýǵa daıyn ekenin habarlady.