Brent munaıynyń baǵasy $80 dollardan tómendedi
15:15, 02 Mamyr 2023
ANKARA. ANADOLÝ - QazAqparat – Seısenbi kúni Brent markaly munaıynyń barreli halyqaralyq bırjada 79,66 dollardan satylyp jatyr. Bul týraly QazAqparat «Anadolý» agenttigine silteme jasap habarlaıdy.
Sońǵy saýdada dúısenbi kúni munaıdyń etalon markasynyń quny 79,31 dollar bolǵan.
Ekinshi mamyrda 09:07-degi jaǵdaı boıynsha Brent markaly munaıy 0,25 protsentke arzandap, barreli 79,11 dollardy qurady. WTI markaly munaı fıýchersteriniń quny 75,46 dollar boldy.
Naryqtar AQSh-tyń Federaldy rezervtik júıesiniń (FRJ) paıyzdyq mólsherlemelerge qatysty boljamdaryna, sondaı-aq Qytaıdan kelgen álsiz ekonomıkalyq derekterge baılanysty ózgerip otyr.