Brent munaıynyń baǵasy $62,89 deıin tómendedi

ASTANA.QazAqparat - Ótken saýda-sattyq nátıjesi boıynsha munaı baǵasy edáýir kóterilse, dúısenbide ol arzandaı bastady, dep habarlady Ýtro.rý.

Londondyq ICE Futures bırjasyndaǵy Brent munaıyna shildelik fıýchers máskeý ýaqyty boıynsha saǵat 8:40-ta baǵasy 0,42 (0,66%) dollarǵa - barreline 62,89 dollarǵa tómendedi. Jumada naryq jabylǵan kezde fıýchers quny 1,28 (2,06%) dollarǵa - barreline 63,31 dollarǵa deıin ósken.

Nıý-Iork saýda bırjasynyń elektrondyq saýda-sattyǵynda shildede WTI munaıyna fıýchers baǵasy osy ýaqytta 0,45 (0,76%) dollarǵa - barreline 58,68 dollarǵa tómendedi. Ótken sessııanyń nátıjesi boıynsha kelisimshart 1,13 (1,95%) dollarǵa - barreline 59,13 dollarǵa deıin qymbattady. Venadaǵy kezekti otyrysta munaı eksporttaıtyn elder uıymy jumada munaı óndirýge kvotany táýligine 30 mln barrel deńgeıinde saqtady (bastapqyda 2011 jylǵy jeltoqsanda belgilengen). Sarapshylar Iranǵa qarsy engizilgen sanktsııalar alynyp tastalǵannan keıin onyń eksport kóleminiń josparly ósimi naryqtaǵy suranystyń shekten tys ulǵaıýyna ákelýi múmkin dep qaýiptenýde.