Brent munaıynyń baǵasy 55 dollardan asty

ASTANA. QazAqparat - Dúısenbidegi saýda barysynda munaıdyń álemdik baǵasy kóterildi. 2015 jyldyń 24 shildesinen beri Brent markaly munaıdyń quny alǵash ret barreline 55 dollarǵa jetip otyr.

 RIA Novostı habarlaǵandaı, máskeý ýaqyty boıynsha 12.41-de soltústik teńizde óndiriletin Brent markaly munaıdyń aqpandaǵy fıýchersteriniń baǵasy bir barrel úshin 55.14 dollarǵa, ıaǵnı 1,27%-ǵa ósken. WTI markaly munaıdyń qańtardaǵy fıýchersteriniń baǵasy barreline 1,10%-ǵa kóterilip, 52,25 dollardy qurady.