Brent markaly munaıdyń barreli 73 dollardan asty

ASTANA. QazAqparat - London jáne Nıý-Iork shıkizat bırjalaryndaǵy sársenbi kúngi saýda-sattyqta munaı baǵasy birshama kóterildi, dep habarlaıdy QazAqparat.

Londonnyń ICE Futures bırjasynda maýsym aıynda jetkiziletin Brent markaly munaı fıýchersteri 1,9 dollarǵa deıin qymbattap, bir barrel munaıdyń baǵasy 73,48 dollar boldy.

Nıý-Iork taýar bırjasynda (NYMEX) WTI markaly munaıdyń mamyr aıynda jetkiziletin fıýchersteri 1,95 dollarǵa kóterilip, bir barreldiń baǵasy 68,47 dollarǵa jetti.