Brent markaly munaıdyń barreli 33,17 dollarǵa deıin tómendegen

ASTANA. QazAqparat - Interqurlyqtyq bırjadaǵy saýda barysynda Brent markaly munaıdyń sáýir aıyndaǵy fıýchersteriniń baǵasy 0,573 paıyzǵa - bir barrel úshin 33,17 dollarǵa deıin tómendegen. WTI markaly munaı baǵasy 0,718 paıyzǵa - bir barrel úshin 29,23 dollarǵa deıin tómendegen, dep habarlaıdy «Kommersant» gazeti.

Álemdik qarjylyq jáne shıkizat naryqtaryndaǵy quldyraý - jaı ǵana túzetý emes dep sanalady. Bul 2008 jyly bastalǵan álemdik daǵdarystyń jańa ótkir fazasynyń bastalýy da bolýy múmkin. Bul joly negizgi soqqy Qytaı, Reseı jáne basqa damýshy elderge tıedi.