Brent markaly munaıdyń baǵasy taǵy arzandady

ASTANA. QazAqparat - Álemde munaı baǵasynyń tómendeýi toqtaǵan joq, dep habarlady Gazeta.ru. saýda málimetterinen. Jergilikti ýaqytpen saǵat 9:59-ǵy jaǵdaı boıynsha, Brent markaly munaıdyń shilde aıyndaǵy fıýchersteriniń baǵasy 0,28 paıyzǵa tómendep, bir barrel úshin 64,63 dollardy qurady.

Osy ýaqytqa qaraı WTI markaly munaıdyń shilde aıyndaǵy fıýchersteriniń quny 0,71 paıyzǵa tómendep, bir barreli 60,34 dollardy quraǵan.

Eske sala keteıik, Halyqaralyq energetıkalyq agenttigi (HEA) 2015 jyly munaı óndirý kólemi kúnine 300 myń barrelge deıin jetetini týraly boljam jarııalaǵan bolatyn. Mamandar osy málimet te munaı baǵasynyń negatıvti bolýyna áser etkenin aıtady.