Brent markaly munaıdyń baǵasy 75 dollarǵa deıin arzandady
23:56, 02 Mamyr 2023
LONDON. QazAqparat - Londonnyń ICE bırjasynda seısenbi kúni Astana ýaqytymen saǵat 23:24 shamasyndaǵy saýda-sattyqta 2023 jyldyń shildesinde jetkiziletin Brent markaly munaıdyń quny 5,16%, ıaǵnı ár barreli 75,3 dollarǵa deıin tómendedi, dep habarlaıdy QazAqparat TASS agenttigine silteme jasap.
Brent fıýchersteri quldyraýyn báseńdetip, barreline 75,52 dollar (-4,89%) deńgeıinde boldy.
2023 jyldyń maýsymynda jetkiziletin WTI markaly munaı fıýchersteriniń quny 5,12% arzandady, barreli - 71,9 dollar.
Eske sala keteıik, keshe Brent munaıynyń barreli halyqaralyq bırjada 79,66 dollardan satylyp jatqanyn habarlaǵan edik.
Sońǵy saýdada dúısenbi kúni munaıdyń etalon markasynyń quny 79,31 dollar bolǵan.
Aıta keteıik, AQSh Brent markaly munaı baǵasynyń 2023 jylǵa arnalǵan boljamyn tómendetti.
Al OPEK+ uıymyna múshe keıbir memleketter munaı óndirý kólemin óz erkimen azaıta bastady.