Brent markaly munaı barreliniń baǵasy $30 asty

ASTANA. QazAqparat - Brent markaly munaı barreliniń baǵasy seısenbi kúni London bırjasynda $30 asty. Munaı barreli $30,12 saýdalandy, dep habarlady RBK.

Aldaǵy saýdanyń jabylýyndaǵy kórsetkishpen salystyrǵanda, Brent munaıynyń barreli $1,5 (plıýs 5,5%) qymbattady.

Reuters munaı baǵasynyń ósimin Qytaıdan kelgen resmı málimettermen baılanystyryp otyr. Oǵan sáıkes, Qytaı ekonomıkasy tórtinshi toqsanda ótken jylǵy kórsetkishke qaraǵanda 6,8% ósken. 2015 jyly Qytaı ekonomıkasy 6,9% ósip, sońǵy 25 jyldaǵy eń tómengi qarqyndy kórsetti.

Qytaıdyń ózge málimetteri kórsetkendeı, elde munaıǵa degen suranys ótken jyly 2014 jylmen salystyrǵanda
2,5%, táýligine 10,32 mln barrelge deıin artqan.