Brent markaly munaı baǵasy 64 dollardan asty

NUR-SULTAN. QazAqparat – Brent markaly munaıdyń sáýirdegi fıýchers baǵasy ICE London bırjasynda barreline 64,02 dollarǵa deıin qymbattady, bul 2020 jyldyń qańtarynan beri tirkelgen eń joǵary baǵa, dep habarlaıdy QazAqparat.

Londonnyń ICE bırjasynda 2021 jyldyń sáýirinde Brent markaly munaı fıýchersiniń quny jetkizýmen qosa 1,12%-ǵa – barreline 64,06 dollarǵa qymbattady.

WTI markaly munaıdyń baǵasy búgingi saýda-sattyqta barreline 60,06 dollarǵa deıin kóterildi.

Bloomberg agenttiginiń treıderler men munaı shyǵaratyn ónerkásip ókilderine silteme jasap habarlaýynsha, baǵanyń ósýine AQSh-ta qatty aıaz saldarynan óndirý kólemi tómendegeni sebep bolǵan. Olardyń málimetinshe, Qurama Shtattarda munaı óndirý táýligine 3,5 mln barrelge azaıǵan. Bul jalpy kólemniń úshten bir bóligi.