Brent barreliniń baǵasy úsh aıdaǵy rekordyq ósimdi kórsetti

ASTANA. QazAqparat - Seısenbi kúngi Nıý-Iork taýar bırjasynda Brent markaly munaı barreliniń baǵasy 4,8% qymbattady, dep habarlady Bı-bı-sı.

Bul bir saýda kúninde ósken Brent qunynyń eń joǵary kórsetkishi.

Seısenbi kúni London bırjasynda da Brent barreliniń baǵasy dúısenbimen salystyrǵanda eki dollarǵa kóterildi. Reıter agenttigi saýalnamasyna qatysqan taldaýshylar bul ósimniń ýaqytsha ekenin aıtýda, sebebi jaqynda jaryqqa shyǵatyn OPEK aılyq esebi baǵalardyń odan ári ósýine áser etki múmkin.

Sońǵy 13 jyl ishinde aıtarlyqtaı qulaǵan munaı baǵasy birneshe aıda qaıta óse bastady. Jyl basynda Brent markasynyń shıkizat quny barreline 28 dollarǵa deıin túsken edi. 26 mamyr kúni Brent munaıynyń quny ótken jyldyń qarashasymen salystyrǵanda 50 dollardan asqan.