Biregeı ota: Almatyda dárigerler 26 jastaǵy naýqasty qaıta aıaqqa turǵyzdy

<p>ALMATY. KAZINFORM &ndash; Almatynyń Ortalyq qalalyq klınıkalyq aýrýhanasynda biregeı ota jasaldy. Ortopedter 26 jastaǵy naýqastyń qozǵalý qabiletin qalpyna keltirdi.</p>

Ortalyq qalalyq klınıkalyq aýrýhanaǵa aýyr revmatoıdty artrıtpen aýyratyn 2-toptaǵy múgedektigi bar 26 jastaǵy naýqas tústi. Aýrýdyń kesirinen naýqas oń aıaǵyn jaza almaı, tek qana baldaq kómegimen qozǵalǵan. Jaǵdaıdyń asqynýyna baılanysty dárigerler tize býynyn endoprotezdeý boıynsha ota jasaý týraly sheshim qabyldady.

"Otanyń ekinshi kezeńinde biz sińirdi onyń bekitilgen jerinen kesip tastadyq, bul qabynýdyń kózin joıýǵa jáne býynnyń qozǵalǵyshtyǵyn qalpyna keltirýge múmkindik berdi. Endi naýqas aıaǵyn qaıtadan qozǵalta bastaıdy jáne birtindep ádettegi ómirine oralady", - dedi ortoped Salamat Toıymbetov.

Eske salaıyq, buǵan deıin aýa baptaǵyshty jıi qoldanýdyń zııany týraly jazǵanbyz.