08:49, 25 Aqpan 2025

Brazılııanyń burynǵy prezıdenti Dılma Rýsseff aýrýhanaǵa túsip qaldy

ASTANA. KAZINFORM – BRIKS elderi qurǵan Jańa Damý Bankiniń (JDB) basshysy, Brazılııanyń burynǵy prezıdenti Dılma Rýsseff syrqatyna baılanysty Shanhaı aýrýhanasyna jatqyzyldy, dep habarlaıdy TASS aqparat agenttigi.

Foto: Sınhýa

Bul týraly brazılııalyq depýtat Joze Gımaraınsh habarlady.

— Dárigerler aýyr dep sanamaıtyn syrqattan aıyǵyp, Shanhaıda emdelip jatqan bizdiń (burynǵy) prezıdentimiz Dılma Rýsseftiń tezirek saýyǵyp ketýin tileımin, - dep jazdy ol X áleýmettik jelisinde.

Folha de S. Paulo gazetiniń málimetinshe, Rýsseff qusý, bas aınalý jáne qan qysymynyń kóterilýine shaǵymdanyp, aýrýhanaǵa jetkizilgen.

Eske sala ketsek, Brazılııa 1 qańtardan bastap BRIKS-ke tóraǵalyq etti. Rıo-de-Janeıroda 6-7 shilde aralyǵynda BRIKS sammıti ótedi.

Aýrýhana Brazılııa Qytaı Álem jańalyqtary

Zarına Týǵanbaeva

L.N. Gýmılev atyndaǵy Eýrazııa Ulttyq ýnıversıtetiniń túlegi. Eńbek jolyn Aqmola oblysy Tselınograd aýdandyq «Uran», «Prızyv» gazetterinde tilshi bolyp bastaǵan. Kazinform aqparat agenttiginde 2011 jyldan beri qyzmet atqaryp keledi.