Brazılııalyq sýretshi Aıǵa art-gologramma jibermekshi

ASTANA. QazAqparat – Brazılııalyq sýretshi Edýardo Kats 1986 jyldan qazirgi ýaqytqa deıin salyp kelgen «Agora» (Ágora) atty týyndysyn ǵaryshqa jiberetinin málimdedi. Ol «Juldyzdy jol» ǵylymı-fantastıkalyq serıalyn jasaýshy Djın Roddenberrıdiń jáne AQSh prezıdentteri Djordj Vashıngton, Djon Kennedı jáne Dýaıt Eızenhaýerdiń DNQ-symen birge Aıǵa jiberiledi, dep habarlaıdy QazAqparat Azertag.az-ǵa silteme jasap.

Gologrammalardy jasaý ádisterimen burynnan tájirıbe jasap kele jatqan Katstyń ózi týyndylaryn «golopoemalar» dep ataıdy. Bul jaǵdaıda shyǵarma portýgal tilindegi Ágora sózin beıneleıdi, ol ejelgi grek tilinen aýdarǵanda «jınalatyn oryn» degendi bildiredi. Ústindegi tańba bolmasa, bul sóz portýgal tilinde «qazir» degendi bildiredi. Kats bul sózdi kóp maǵynaly bolǵandyqtan tańdaǵan.

Art-týyndynyń ózi eki bólikten turady: 1,5 santımetr bolatyn mıkroskopııalyq shyny sharshy, oǵan derekter kodtalǵan. Lazer áınek arqyly 45 gradýs buryshpen jarqyraǵan kezde, Agora sózi jasyl túspen proektsııalanady.