ASTANA. KAZINFORM - «Qaırat» jáne Chehııanyń «Vıktorııa» (Plzen) fýtbol klýbtary brazılııalyq shabýylshy Rıkardınony bir jylǵa jalǵa alý týraly kelisimge keldi.
Bul jóninde komandanyń baspasóz qyzmeti málim etti.
Rıkardo Vıana Fılo — Brazılııanyń San-Paýlý shtatynan shyqqan, osy attas klýbtyń túlegi. Kásibı mansabyn «Gremıoda» bastaǵan, keıin «Atletıko Goııanıense» (Brazılııa) jáne «Marıtımý» (Portýgalııa) klýbtarynda oınady.
2023 jyldyń basynda bolgarııalyq «Levskıge» aýysyp, komanda kóshbasshylarynyń birine aınaldy. Ol 56 matchta 20 gol jáne 8 nátıjeli pas berdi.
2024 jylǵy jazda chehııalyq «Vıktorııa» Plzenmen kelisimshartqa otyryp, onyń sapynda ÝEFA Eýropa lıgasynyń toptyq kezeńinde oınady.
2025 jyldyń alǵashqy jartysynda ızraıldik «Makkabı» Haıfada 11 match ótkizip, 1 gol soqty.
Eske salsaq,budan buryn klýbtar arasyndaǵy álem chempıonatynda «ıÝventýs» alǵashqy oıynynda iri eseppen jeńdi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.