«Brazılııaǵa kimder barady?»» - baspasózge sholý
***
«Egemen Qazaqstan» gazetiniń búgingi sanynda «Əlemdegi dinaralyq jəne mədenıetaralyq únqatysýyna qosqan úlesimiz úlken» degen taqyryppen QR Mádenıet jáne sport mınıstri Arystanbek Muhamedıulynyń maqalasy basyldy.
Qazaqstan halqy bıyl el táýelsizdiginiń 25 jyldyǵyn atap ótedi. Osy aralyqta ótken onjyldyqtar bıiginen kóz tastar bolsaq, bizdiń memleketimiz úshin bul ýaqyt elimizdegi jáne álemdegi túrli baǵyttaǵy ózgeristerdi oı eleginen ótkizýmen, qoǵam men memlekettiń odan ári damýynyń úrdisterin boljaýmen jáne izdestirýmen, barlyq qazaqstandyqtardyń múddesine jaýap beretin ózgeristerdiń pármendi strategııasyn jasaqtaýmen baılanysty kúrdeli jyldar boldy dep tolyq senimmen aıtýǵa bolady.
«Bul jyldar, osy turǵydan alǵanda, elimizdiń barlyq azamattarynyń quqyqtarynyń teńdigin qamtamasyz etý negizinde halyqtyń etnosaralyq jáne konfessııaaralyq aýyzbirshiligin saqtaý men nyǵaıtýǵa jáne memleket saıasatynyń irgesin qurap otyrǵan únqatysý men kelisimniń basymdyǵyn bekitýge baǵyttalǵan Qazaqstan Respýblıkasynyń Prezıdenti Nursultan Ábishuly Nazarbaevtyń batyl áreketteri men salıqaly sheshimderiniń ýaqyty bolǵany sózsiz»,-dep jazady mınıstr.
Bas basylymda S.J.Asfendııarov atyndaǵy Qazaq ulttyq medıtsına ýnıversıteti janyndaǵy Birikken ýnıversıtet klınıkasynyń dırektory Janar Ǵubaıdýllınanyń bergen suhbaty jarııalandy. Sońǵy jyldary Qazaqstanda S.J.Asfendııarov atyndaǵy Qazaq ulttyq medıtsına ýnıversıtetiniń (QazUMÝ) janynan óz klınıkasy ashylyp, elimizde halyqqa medıtsınalyq qyzmet kórsetý sapasyn jaqsartý maqsatyndaǵy alǵashqy qadamyn jasap, jetekshi emdeý oryndarynyń birine aınalyp otyr. Klınıkada naýqasqa dıagnoz qoıý, olardy emdeý jáne aldyn alýda zamanaýı deńgeıde jańa tehnologııalardy qoldana otyryp, joǵary sapaly medıtsınalyq kómekti usynady. Baǵalary qoljetimdi ári qyzmet kórsetý sapasy joǵary deńgeıde. Olar álemdik óndirýshilerdiń zamanaýı medıtsınalyq quraldarymen jabdyqtalǵan. Suhbat «Kerekti klınıka» degen taqyryppen oqyrman nazaryna usynylyp otyr.
***
«Aıqyn» gazetiniń jazýynsha, Qazaqstannyń aýyr atletteri óz tarıhynda tuńǵysh ret Olımpıada oıyndarynda tolyq quramada óner kórsetedi. ıAǵnı, erler 6 jáne áıelder 4 salmaq dárejesinde kúsh synasady. Al ǵalamdyq dodada barlyǵy 15 júldeler jıyntyǵy sarapqa salynady.
«Qazirgi kezde «Aýyr atletıkany serik etken sańlaqtardyń qaısysy Rıo Olımpıadasynda baq synaýy múmkin?» degen saýal kópshiliktiń kókeıinde júrgeni ras. Osy oraıda kópshilik san alýan joramal aıtýda. Túrli alyp-qashpa áńgimeler de el arasynda órip júrgenine birer aıdyń júzi boldy. Al bul suraqtyń jaýabyn barsha jurt 3-7 maýsym aralyǵynda Taldyqorǵan qalasyndaǵy «Jastar» sport saraıynda ótetin Qazaqstan chempıonatynan keıin biletin bolady. Al ázirge bizge Olımpıada joldamasy úshin tartys naqty qaı sportshylar arasynda ótetini málim»,-dep jazady avtor.
Sonymen, erler arasyndaǵy 6 lıtsenzııa úshin Ilıa Ilın, Vladımır Sedov, Aleksandr Zaıchıkov, Nıjat Rahımov, Kırıll Pavlov, Denıs Ýlanov, Ibragım Bersanov, Selımhan Abýbakarov, Farhat Harkı, Arlı Chonteı, Aıdar Kazov jáne Aleksandr Kım talasady. Bul sportshylardyń barlyǵy da ondaı qurmetke laıyq. Ilıa Ilın - Olımpıada oıyndarynyń eki dúrkin jáne álemniń tórt dúrkin chempıony. Nıjat Rahımov, Vladımır Sedov jáne Aleksandr Zaıchıkov dúnıejúzilik dodada dara shyqqan sańlaqtar. Kırıll Pavlov sol jarystyń qola júldegeri. Qalǵan jigitter jastar býynynyń ókilderi bolǵanyna qaramastan túrli baıraqty básekelerde óz qurdastarynyń aldy bolyp, erler dýynda da ózderin moıyndatyp úlgergen saıypqyrandar. Bul maqala «Brazılııaǵa kimder barady?» degen taqyryppen berilgen.
Osy gazette «Ónerdi «ókpeletip» júrgen joqpyz ba?» atty maqala jarııalandy.
«Ulttyń urpaǵyn tárbıeleıtin telearnalarǵa sóz joq reforma kerek shyǵar. Óıtkeni telearnalar qazir ulttyń aınasyna aınala bastady. Al bizdiń aınamyzdyń adam beınesin qısyq etip kórsetkeni jaqsylyq pa? Sondyqtan sanany silkıtin, qundylyqtardy qasterleýge úıretetin, jaqsylyqtarǵa jol bastaıtyn, bolashaǵy baıandy baǵdarlamalar óte kóp kerek. Túr-túsin bylaı qoıǵanda, sózi qulaqqa túrpideı tıetin jasandy «qýyrshaqtardan» arylyp, telearnanyń naǵyz bilgirleri jurtpen júzdeskeni jón shyǵar»,-dep jazady basylym.
***
«Ana tili» gazetiniń sońǵy sanynda «Ejelgi qalalarymyz ıÝNESKO tizimine enbek» degen materıal basyldy. Sońǵy ýaqyttardaǵy erekshe atap óterlik jańalyqtardyń biri - elimizdegi ejelgi qalalar ıÝNESKO tizimine engizilýi múmkin. Qazaqstan Respýblıkasynyń Mádenıet jáne sport mınıstri Arystanbek Muhamedıuly osy máselege arnalǵan basqosýda bul qadam tarıhı qundylyqtardy qaz qalpynda saqtaýǵa múmkindik beretinin atap ótti. ıÝNESKO uıymynyń komıssııasy tizimge engiziletin aımaqtardyń jaı-kúıin saralady. Jıyn barysynda ıÝNESKO men Qazaqstannyń bilim jáne ǵylym salasyndaǵy áriptestik jaıy da sóz boldy. Mınıstr Arystanbek Muhamedıuly óz sózinde bizdiń eń birinshi maqsatymyz - Qazaqstannyń mádenıetin dúnıe júzine kórsetý ekenin tilge tıek etti. Elimizdegi tarıhı oqıǵalardy, mádenı-rýhanı jańǵyrýlardy álemdik turǵydan baǵalaýymyzdyń mánisi zor ekenin atap aıtty. Qazirgi tańda ıÝNESKO tizimine enetin ejelgi qalalar boıynsha, olardyń tizimderin ázirlep, tarıhı-mádenı hám rýhanı turǵydan zerdeleýge baılanysty birqatar is-sharalardyń atqarylýy josparlanýda.