Brazılııadaǵy sý tasqynynan qaza tapqandar sany 100-ge jaqyndady

<p>ASTANA. KAZINFORM &ndash; Brazılııadaǵy sý tasqynynan qaza tapqandar sany 95 adamǵa jetti. Tabıǵı apattan jalpy jıyntyǵy 372 adam zardap shekken. Bul týraly Rıo-Grande-dý-Sýl shtatynyń gýbernatory <a href="https://www.metropoles.com/brasil/chuvas-no-rs-com-15-milhao-de-atingidos-tragedia-soma-95-mortos" target="_blank" rel="noopener">Edýardo Leıte</a> málimdedi.&nbsp;</p>

Qazirgi ýaqytta 159 myń jergilikti turǵyn úılerin tastap ketýge májbúr bolǵan. Kem degende 131 adam iz-túzsiz joǵalǵandar tiziminde tur. 

«95 ólim... Qaza tapqandar sany artyp jatyr», – dedi Leıte. 

Sáýir aıynyń sońynda Brazılııanyń Ýrýgvaımen shektesetin ońtústik shtatynda tolassyz jaýyn jaýdy. Buǵan deıin mundaı jaǵdaı atalǵan elde 1941 jyly bolǵan. 

Jańbyr saldarynan Rıo-das-Antas ózenindegi bóget qulap, jaqyn mańdaǵy eldi mekenderdi sý basty. Rıo-Grande-dý-Sýl shtatyndaǵy 497 mýnıtsıpalıtettiń 401-i daýyl men sý tasqynynan zardap shekken.

Aıta keteıik, buǵan deıin Brazılııada sý tasqynynan qaza tapqandar sany 78 adamǵa jetkeni týraly jazǵan edik.