Brazılııada sý tasqynynan qaza tapqandar sany 144 adamǵa jetti

<p>ASTANA. KAZINFORM &ndash; Brazılııada nóser jaýynnan bolǵan sý tasqyny saldarynan qaza tapqandar sany 144 adamǵa jetti, 125 adam iz-túzsiz joǵaldy, dep habarlaıdy <a href="https://www.aa.com.tr/ru/%D0%BC%D0%B8%D1%80/%D1%87%D0%B8%D1%81%D0%BB%D0%BE-%D0%BF%D0%BE%D0%B3%D0%B8%D0%B1%D1%88%D0%B8%D1%85-%D0%B2-%D1%80%D0%B5%D0%B7%D1%83%D0%BB%D1%8C%D1%82%D0%B0%D1%82%D0%B5-%D0%BD%D0%B0%D0%B2%D0%BE%D0%B4%D0%BD%D0%B5%D0%BD%D0%B8%D1%8F-%D0%B2-%D0%B1%D1%80%D0%B0%D0%B7%D0%B8%D0%BB%D0%B8%D0%B8-%D0%B2%D0%BE%D0%B7%D1%80%D0%BE%D1%81%D0%BB%D0%BE-%D0%B4%D0%BE-144-%D1%87%D0%B5%D0%BB%D0%BE%D0%B2%D0%B5%D0%BA/3217695" target="_blank" rel="noopener">Anadoly</a> aqparat agenttigi.</p>

Eldiń ońtústigindegi Rıý-Grande-dý-Sýl shtatynda ótken aptadan beri tolassyz jaýǵan jańbyrdan keıingi sý tasqyny saldarynan qaza tapqandar sany artýda.

Shtattyń azamattyq qorǵanys málimdemesinde qaza tapqandar sany 137, iz-túzsiz joǵalǵandar sany 125-ke jetkeni atap ótiledi. Jaraqat alǵandar sany 800 adamǵa jetti. Sý tasqynynan 2,1 mln-nan astam adam zardap shekse, 620 myńnan astamy qonys aýdarýǵa májbúr boldy.

Rıý-Grande-dý-Sýl shtatynyń gýbernatory Edýardo Leıte 3 mamyrda qutqarýshylar jete almaǵan jerler áli de bar ekenin aıtty.

«Biz tym erekshe jaǵdaıdy bastan keshirip jatyrmyz. Bul – memleket tarıhyndaǵy eń joıqyn oqıǵa», - dedi ol.

Leıte qaıǵyly oqıǵanyń aýqymdylyǵyna baılanysty shtatta 180 kúnge «tabıǵı apat jaǵdaıy» jarııalanǵanyn jáne adamdardy evakýatsııalaý úshin úlken jumystardyń júrgizilip jatqanyn aıtty.

Tabıǵat apatynan zardap shekken aımaqtarǵa eki ret barǵan Brazılııa prezıdenti Lýıs Inasıý Lýla da Sılva aımaqtyń qaıta jandanatynyna senim bildirdi.