Brazılııada Naýryz alǵash ret merekelendi

ASTANA. 26 naýryz. QazAqparat - Brazılııadaǵy Qazaqstan elshiligi ekijaqty qarym-qatynastyń tarıhynda alǵashqy ret kóktemniń ulyq merekesi - Naýryzdy atap ótý boıynsha saltanatty shara ótkizdi.

Oǵan Brazılııa syrtqy baılanystar mınıstrliginiń jáne basqa da organdardyń, dıplomatııalyq korpýstyń ókilderi, qoǵamdyq jáne saıası qaıratkerler, osy eldiń iskerlik ortalarynyń ókilderi qatysty, dep habarlady QR SІM baspasóz qyzmetinen.

QR Elshisi Baqytjan Ordabaev qonaqtardy Qazaqstandaǵy áleýmettik-ekonomıkalyq jaǵdaımen jáne eldiń ári qaraı damýy sharalarymen habardar etti.

Brazılııa syrtqy baılanystar mınıstrliginiń Hattama jetekshisi Marıa Vınkler quttyqtaý sózinde, «óziniń Brazılııada toılanyp otyrǵan Naýryz meıramyna alǵashqy ret qatysyp otyrǵanyn, aldaǵy ýaqytta da otandastarynyń bul mańyzdy dástúr jóninde kóbirek bile túsetinine senetindigin» atap ótti.

M.Vınklerdiń aıtýynsha, Qazaqstan Ortalyq Azııada Brazılııa úshin mańyzdy seriktes bolyp tabylady. Búgingi tańda Brazılııa Úkimeti ekijaqty qarym-qatynastyń ári qaraı damýyna erekshe kóńil bólýde.

Merekeý barysynda qonaqtar qazaqtyń ulttyq taǵamdarymen, ulttyq mýzykasymen, ulttyq kıimderimen tanysty.