Brazılııada balabaqshaǵa jasalǵan shabýyldan tórt búldirshin kóz jumdy

BRAZILIıA. QazAqparat - Brazılııanyń ońtústigindegi Blýmenaý qalasynda baltamen qarýlanǵan qaskóı balabaqshaǵa kirip, kem degende tórt balany mert qyldy, taǵy tórteýi jaralandy, dep habarlaıdy QazAqparat BBC-ge silteme jasap.

Shabýyl kezinde balabaqshada 40-qa jýyq búldirshin bolǵan. Jaralylar jetkizilgen jergilikti aýrýhananyń málimetinshe, olardyń barlyǵy úsh jasqa tolmaǵan.

Polıtseılerdiń taratqan derekke qaraǵanda, qylmysker balabaqshanyń qorshaýynan sekirip ótip, qarýymen kezdeskenine soqqy bere bastaǵan. Keıin polıtsııa bólimshesine ózi baryp, qamaýǵa alyndy.

Brazılııa prezıdenti Lýıs Inasıý Lýla da Sılva bul qylmysty jantúrshigerlik oqıǵa dep atady.

«Otbasy úshin balalarynan nemese nemerelerinen aıyrylýdan artyq aýyrtpalyq joq, ásirese osy beıkúná jáne qorǵansyz balalarǵa zorlyq-zombylyq jasaý áreketi janymyzǵa qatty batty. Men osy tragedııa qurbandarynyń otbasymen birgemin, solar úshin duǵa jasaımyn», - dep jazdy ol Twitter-de.

Blıýmenaý qalasy ornalasqan Santa-Katarına shtatynyń gýbernatory Jorjıno Melý oryn alǵan sumdyq qyrǵynǵa baılanysty úsh kúndik qaraly kún jarııalady. Shtattaǵy mektepter erteńge deıin barlyq sabaqtardy toqtatty.

Sońǵy jyldary Brazılııadaǵy mektepterde zorlyq-zombylyq jaǵdaılary jıi tirkelip jatyr. Ótken aptada San-Paýlýda 13 jastaǵy oqýshy mektepte muǵalimdi pyshaqtap óltirgen.

Ótken qarashada 16 jastaǵy qarýly azamat Arakrýstyń ońtústik-shyǵysyndaǵy Espırıto-Santo qalasyndaǵy eki mektepke shabýyl jasap, tórte adamdy atyp óltirip, 10-nan astamyn jaralaǵan bolatyn. 2019 jyly burynǵy eki stýdent San-Paýlý mańyndaǵy mektepte segiz adamdy atyp óltirdi, sodan keıin ózderine qol saldy.

Eń aýqymdy qyrǵyn 2011 jyly boldy, ol kezde Rıo-de-Janeıro mańyndaǵy burynǵy bastaýysh mektep oqýshysy 12 balany atyp óltirip, sodan keıin ol da óz-ózine qol jumsady.