Brazılııada avtobýs apatqa ushyrap, kem degende 17 adam qaza tapty

<p>ASTANA. KAZINFORM &mdash; Brazılııanyń shyǵysynda avtobýs taýly joldan qulaýy saldarynan kem degende 17 adam qaza taýyp, 30-ǵa jýyq adam jaraqat aldy. Bul týraly G1 jergilikti portaly habarlady, dep jazdy <a href="https://report.az/ru/drugie-strany/minimum-17-chelovek-pogibli-v-dtp-s-avtobusom-na-vostoke-brazilii/" target="_blank" rel="noopener">Report.</a></p>

Oqıǵa Alagoas shtatyndaǵy Ýnıao-dýs-Palmarıs mýnıtsıpalıtetinde ornalasqan Serra-da-Barrıga eldi mekeniniń mańynda boldy.

Portaldyń málimetinshe, avtobýsta 40 adam bolǵan. Apat kóliktiń tehnıkalyq aqaýy saldarynan oryn alyp, júrgizýshi kólikti basqara almaı qalǵan. 

Alagoas shtatynyń bıligi bastapqyda 23 adamnyń qaza tapqany týraly habarlady, biraq keıinirek bul sandy 17-ge deıin túzetti. 

Ýnıan-dýs-Palmarıs mýnıtsıpalıtetiniń bıligi zardap shekkenderge kómek kórsetý úshin barlyq kúshterdi jumyldyrdy, dep jazdy G1.

Brazılııanyń násildik teńdik mınıstri Anıelı Franko qaza bolǵandardyń týystaryna kóńil aıtty.

Buǵan deıin Antalııa áýejaıyna qonǵan Sukhoi Superjet 100 ushaǵy órtengeni málim boldy.