Brazılııa prezıdenti shuǵyl aýrýhanaǵa jatqyzyldy

<p>BÝENOS-AIRES. KAZINFORM &ndash; Brazılııa prezıdenti Lýıs Inasıý Lýla da Sılva mıyna qan quıylyp, shuǵyl aýrýhanaǵa jatqyzyldy. Ol qazan aıynda qulap, basyn qatty soǵyp alǵan. Dárigerler ishki qan ketý qaýpi bar ekenin eskertken, dep jazady&nbsp;<a href="https://tass.ru/mezhdunarodnaya-panorama/22626131" target="_blank" rel="noopener">TASS</a>. &nbsp;</p>

San-Paýlý qalasyndaǵy Sírio-Libanês aýrýhanasynyń baspasóz-baıanynda atap ótilgendeı, memleket basshysy Lýla da Sılva basy aýyrǵanyn sezgen soń aýrýhanaǵa jatqyzylǵan.

– MRT 19 qazanda bolǵan úıdegi jazataıym oqıǵanyń saldarynan bassúıek ishine qan ketkenin kórsetti. Operatsııa esh qıyndyqsyz ótti, – delingen medıtsınalyq mekemeniń habarlamasynda.

Dárigerlerdiń aıtýynsha, prezıdent kranıotomııadan ótken. Bul operatsııa úshin bas súıeginiń bir bóligin ýaqytsha alyp tastaý protsedýrasy.

– Prezıdenttiń jaǵdaı qazir jaqsy. Ol jansaqtaý bóliminde baqylaýda, – delingen málimette.

19 qazanda Lýla da Sılva rezıdentsııasynda qulap, jaraqat alǵan. Qan ketý qaýpimen aýrýhanaǵa jetkizilgen. Sol úshin prezıdent 22-24 qazanda Qazanda ótken BRIKS sammıtine barǵan joq, ol beınekonferentsııaǵa qatysty.