Brazılııa maımyl sheshegi vırýsynan alǵashqy kisi ólimi tirkelgenin rastady
Bul jaǵdaı eldiń ońtústik-shyǵysyndaǵy Mınas-Jeraıs shtatynyń astanasy Belý-Orızontıde tirkeldi. Vırýstan 41 jastaǵy er adam qaıtys bolǵan. Ol basqa aýyr klınıkalyq jaǵdaılardan, sonyń ishinde qaterli isikten em alyp júrgen. Naýqastyń densaýlyǵy ınfektsııa juqtyrǵannan keıin nasharlady.
Aty-jóni jarııa etilmegen er adam Belý-Orızontıdegi memlekettik aýrýhanaǵa jatqyzyldy. Ol maımyl shesheginen asqynǵan septıkalyq shok alǵan.
27 shildedegi jaǵdaı boıynsha, Brazılııada maımyl sheshegi vırýsyn juqtyrýdyń 978 jaǵdaıy tirkelgen.
Dúnıejúzilik densaýlyq saqtaý uıymy qazirgi indetti densaýlyq saqtaý salasyndaǵy halyqaralyq mańyzy bar tótenshe jaǵdaı dep jarııalady.
Buǵan deıin maımyl sheshegi vırýsynan Brazılııa men Ispanııada maımyl shesheginen 3 adam kóz jumǵany habarlanǵan edi.