Brazılııa delegatsııasyn saılanatyn prezıdent ókilettikteri qyzyqtyrdy
17:36, 07 Maýsym 2019
NUR-SULTAN. QazAqparat - Búgin QR Ortalyq saılaý komıssııasy tóraǵasynyń orynbasary Konstantın Petrov Frantsısko de Asıs Rodrıgez bastaǵan Brazılııanyń táýelsiz baıqaýshylar delegatsııasymen kezdesti, dep habarlaıdy QazAqparat tilshisi.
Kezdesý barysynda K.Petrov brazılııalyq delegattarǵa 2019 jyldyń 9 maýsymyna taǵaıyndalǵan kezekten tys Prezıdenttik saılaýǵa baılanysty qysqasha aqparat berdi.
Qazaqstandaǵy saılaýǵa baıqaýshy retinde alǵash ret qatysyp otyrǵan Brazılııa delegatsııasynyń músheleri saılanǵan prezıdenttiń ókilettik qabyldaýyna, saılaýǵa daıyndyq jáne ótkizý protsedýralaryna, sonymen qatar saılaý naýqanyn qarjylandyrý men onyń qatysýshylaryna qatysty birqatar suraq qoıdy.