Brakonerlik qylmystar boıynsha jyl basynan 23 is qozǵaldy

NUR-SULTAN. QazAqparat – Qazaqstanda jyl basynan beri brakonerlik faktileri boıynsha 23 qylmystyq is qozǵaldy. Bul týraly QR Ekologııa, geologııa jáne tabıǵı resýrstar mınıstrliginen málim etti, dep habarlaıdy QazAqparat.

«Mınıstrliktiń Orman sharýashylyǵy jáne janýarlar dúnıesi komıteti 2021 jyldyń basynan Qyzyl kitapqa engen jáne joǵalyp ketý qaýpi bar jabaıy janýarlarǵa qatysty brakonerliktiń 23 faktisi anyqtady.

Onyń ishinde 18-i kıik derıvattaryn zańsyz qoldaný boıynsha jáne 5-eýi sırek kezdesetin janýarlar (arqar, qaraquıryq) túriniń zańsyz aýlanýyna baılanysty ister.

Komıtetke baǵynysty vedomstvo - «Ohotzooprom ÓB» ınspektorlary brakonerlik faktilerdiń aldyn alý úshin úzdiksiz tekserister júrgizetinin aıta ketken jón», - dedi mınıstrlikten.

Brakonerlik qylmystar úshin QR QK-niń 337-babyna («Zańsyz ań aýlaý, onyń ishinde atys, pnevmatıkalyq, laqtyrylatyn jáne sýyq qarýdy, aýlaý quraldarynyń basqa da túrlerin qoldaný») sáıkes 3000 AEK-ke deıingi mólsherde aıyppul salý nemese 3 jylǵa deıingi merzimge bas bostandyǵyn shekteý jazasy qoldanylady.

Brakonerliktiń josparlanǵan nemese jasalǵan faktisi týraly aqparat bolǵan jaǵdaıda komıtettiń 8-777-678-52-52 jedel jeli telefonyna habarlasýǵa bolady.