Bir jyldyń ishinde páter baǵasy 3,9% qymbattady

<p>ASTANA. KAZINFORM - 2024 jylǵy qazan aıynda turǵyn úıdi satyp alý-satý boıynsha 39 143 mámile tirkelgen, onyń ishinde jeke úıler boıynsha 8 690 jáne kóppáterli úılerdegi páterler boıynsha 30 453 mámile jasaldy. Bul týraly Ulttyq statıstıka bıýrosy habarlady.</p>

2024 jyldyń qyrkúıegimen salystyrǵanda (39 543) turǵyn úıdi satyp alý-satý mámileleriniń sany 1%-ǵa azaıdy.

Bir jylda (2024 jylǵy qazan 2023 jylǵy qazanǵa) páterlerdi qaıta satý baǵalary – 3,9%, jańa turǵyn úılerdi satý 2,3% ósti. Abattandyrylǵan turǵyn úıdi jalǵa alý tólemi ótken jylǵy tıisti aımen salystyrǵanda 2024 jylǵy qazanda 6,7% joǵarylady.

Óńirler bólinisinde jańa úıler naryǵynda jyldyq mánde baǵa Taraz – 8,6%, Aqtóbe – 7,9%, Taldyqorǵan – 7,2%, Kókshetaý, Qyzylorda qalalarynda – 7,1%-dan edáýir ósken. Qoldanystaǵy úıler naryǵynda baǵa ósiminiń kósh basyn Atyraý (24,7%) men Astana qalasy (11,3%) bastap tur, turǵyn úıdi jalǵa alý naryǵynda – Oral (24,2%), Shymkent (21,9%) jáne Petropavl qalalary (21%).

2024 jylǵy qazan aıynda turǵyn úıdi satyp alý-satý boıynsha 39 143 mámile tirkelgen, onyń ishinde jeke úıler boıynsha 8 690 jáne kóppáterli úılerdegi páterler boıynsha 30 453 mámile jasaldy. 2024 jyldyń qyrkúıegimen salystyrǵanda (39 543) turǵyn úıdi satyp alý-satý mámileleriniń sany 1%-ǵa azaıdy. Mámileler sany boıynsha Almaty (7 642 – 19,5%) jáne Astana (6 993 – 17,9%) qalalary, sonymen qatar, Qaraǵandy oblysy (2 997 – 7,7%) kósh bastap tur. Mámileler sany Ulytaý oblysynda eń az – 527 mámile (1,3%).

2024 jyldyń qyrkúıegimen salystyrǵanda qazanda eń kóp ósim Ulytaý (+33,1%), Qyzylorda (+22,6%) jáne Abaı (+21,2%) oblystarynda tirkeldi. Al bir aıdaǵy eń úlken tómendeý Batys Qazaqstan (-21,5%), Soltústik Qazaqstan (-19,8%) jáne Jetisý (-8,6%) oblystarynda oryn aldy.

2024 jyldyń qyrkúıegimen salystyrǵanda, kóppáterli úılerdegi turǵyn úı mámileleriniń sany boıynsha jaǵdaı turaqty, azaıý tek 0,2%-ǵa (54 mámilege). 2024 jyldyń qazan aıynda páterler boıynsha barlyǵy 30 453 mámile jasaldy, bul mámilelerdiń jalpy sanynyń 77,8%-y. Kóppáterli úılerdegi turǵyn úı saýdasynyń negizgi úlesi Almaty (23,2%), Astana (22,6%) qalalaryna jáne Qaraǵandy oblysyna (8,3%) tıesili. Bólmeler sany boıynsha 1 bólmeli páterler satylymy basym boldy, 2024 jyldyń qazan aıynda olar boıynsha 11 570 mámile resimdelgen.