Bir jylda Qazaqstanda ustalǵan mas júrgizýshiler sany belgili boldy

<p>ASTANA. KAZINFORM &mdash;QR Іshki ister mınıstrligi elimizdiń joldarynda ustalǵan mas júrgishýlerge qatysty túsinik berdi.</p>

— Mınıstrlik qylmysqa qarsy kúresti kúsheıtý, quqyq buzýǵa jol bermeý jáne qoǵamdyq qaýipsizdikti qamtamasyz etý, sonyń ishinde jol-kólik oqıǵalarynyń aldyn alý maqsatynda «Quqyqtyq tártip» jedel aldyn alý sharasyn turaqty túrde uıymdastyrady. Polıtsııanyń osyndaı júıeli jumystardyń nátıjesinde, 2024 jyly elimizdiń joldarynda 18200 mas júrgizýshi ustalyp, qaıǵyly oqıǵalalarǵa jol berilmedi. Olardyń barlyǵy júrgizýshi kýáliginen aıyryldy, — delingen vedomstvonyń Kazinform agenttigine bergen jaýabynda.

Sonymen qatar byltyr jedel aldyn alý sharalary barysynda kólikti júrgizýshi kýáliginsiz basqarǵan 5520 adam anyqtalyp, jaýapkershilikke tartyldy.

Budan buryn habarlanǵandaı, kólikti mas kúıinde basqarǵandar 7 jyl boıy júrgizýshi kýáligin alýǵa emtıhan tapsyrýǵa jiberilmeıdi.