Bir jyl rıngke shyqpaǵan Golovkın boks qolǵabyn shegege ile me

<p>Meksıkalyq Izquierdazo.com saıty 41 jastaǵy orta salmaqtaǵy burynǵy álem chempıony Gennadıı Golovkın mansabyn aıaqtaýy múmkin ekenin jazdy. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.sports.kz/news/golovkina-otpravili-napensiyu-posle-godichnogo-prostoya" target="_blank" rel="noopener">Sports.kz</a> portalyna silteme jasap habarlaıdy.&nbsp;&nbsp;</p>

Aıta keteıik, GGG 2022 jyldyń 17 qyrkúıeginde meksıkalyq boksshy Saýl «Kanelo» Alvaresten jeńilip qalǵan bolatyn. Trılogııalyq jekpe-jekte upaı sanymen qarsylasyna ese jibergennen keıin otandasymyz sharshy alań tórine qaıta kóterilgen joq. 

«Sheteldik BAQ betterinde Golovkınniń kásipqoı boksqa qaıta oralýy týraly túrli qaýeset jeldeı esip júr. Boks mamandary men sarapshylar onyń sharshy alańǵa  oralmaıtynyn jáne 41 jasynda boks qolǵabyn shegege iletinin boljap otyr. 

Degenmen Genamen jekpe-jekke shyǵýǵa áli de úmittenip júrgen boksshylar kóp. Birneshe aı buryn GGG Haıme Mýngýııanyń taıaýdaǵy basty qarsylastarynyń biri retinde atalǵan. Kúni keshe onymen Djon Raıder judyryqtasqysy keletinin aıtty. Biraq Golovkın bokstaǵy bolashaǵy týraly áli eshqandaı málimdeme jasaǵan joq», - delingen maqalada.