Bir top atyraýlyq memlekettik nagradamen marapattaldy

<p>Atyraýda Respýblıka kúnine oraı &laquo;Tuǵyry bıik Qazaqstan&raquo; atty saltanatty is-shara ótti. Onda memlekettik jáne qoǵamdyq qyzmettegi cińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin 44 adam marapattaldy, dep habarlaıdy <a href="Kazinform" target="_blank" rel="noopener">Kazinform.&nbsp;</a></p>

Mahambet Ótemisuly atyndaǵy akademııalyq qazaq drama teatrynda ótken jıynda oblys ákimi Serik Shápkenov óńir jurtshylyǵyn Respýblıka kúnimen quttyqtap, ár salanyń úzdikterine nagrada tapsyrdy. 

Foto: Atyraý oblysy ákiminiń baspasóz qyzmeti

– Bul tarıhı qujat el Konstıtýtsııasy men zańdarynyń ústemdigin aıqyndap berdi. Biz jas býynǵa el tarıhyndaǵy osyndaı aıtýly kúnderdiń baǵasy men mánin uǵyndyrýymyz kerek. Qoǵamda shynaıy demokratııalandyrý protsesi júrip jatqanyn azamattardyń erki men bostandyǵynyń qamtamasyz etilýinen, azamattyq qoǵam qura alǵanymyzdan anyq ańǵarýǵa bolady, - dedi Serik Shápkenov. 

Foto: Atyraý oblysy ákiminiń baspasóz qyzmeti

Prezıdent Jarlyǵymen «Parasat» ordeni eńbek ardageri Mádına Ǵabdisálimovaǵa tapsyryldy. «Qurmet» ordenimen – 9, úshinshi dárejeli «Eńbek dańqy» ordenimen 3 adam marapttaldy. Sondaı-aq «Eren eńbegi úshin» medali – 19, «Shapaǵat» medali 2 adamǵa berildi. 

Marapattalǵandardyń arasynda eńbek ardagerleri, memlekettik qyzmetshiler, munaıshylar, sportshylar men muǵalimder, medıtsına qyzmetkerleri, aýyl sharýashylyǵy, mádenıet pen óner, energetıka salasynyń, BAQ-tyń ókilderi bar. Máselen, «Eren eńbegi úshin» medalimen «Atyraý-Aqparat» JShS bas dırektorynyń orynbasary Isataı Balmaǵambetov pen «Bylına» gazetiniń tilshisi Lev Gýzıkov marapattaldy. 

Bir top atyraýlyq Qazaqstan Respýblıkasynyń Qurmet gramotasyn aldy. Al M.Ótemisuly atyndaǵy akademııalyq qazaq drama teatrynyń artısi Ǵazıza Bısenova Qazaqstannyń eńbek sińirgen qaıratkeri atandy.