Bir otbasynan Jaıyqqa batqan eki bala: qyzdyń múrdesi eki kúnnen keıin tabyldy

<p>ATYRAÝ. KAZINFORM &ndash; Atyraýda bir otbasynyń eki balasy Jaıyqqa ózenine batyp ketken edi. Qutqarýshylar qyzdyń múrdesin eki kúnnen soń tapty. &nbsp;</p>

Atyraý oblystyq tótenshe jaǵdaılar departamentiniń qoǵammen baılanys tobynan málim etkendeı, keshe, 3 tamyzda saǵat 18:53-te 9 jasar qyzdyń múrdesi Jaıyq ózeninen tabylǵan.

Oqıǵa 1 tamyzda Atyraý qalasyna taıaý ornalasqan Qurmanǵazy aýylynda bolǵan. Bir otbasy eki balasy kúndizgi 14:40 shamasynda Jaıyq ózenine sýǵa túsken. Ókinishke qaraı ekeýi de sýdan keri shyqpaı, batyp ketken. 

«Sol kúni – 1 tamyzda saǵat 14:53-te eki balanyń sýǵa batqany týraly habar tústi. Qutqarýshylar oqıǵa ornyna baryp, jedel izdestirýge kiristi. Túsqaıta saǵat 16:20-da 2017 jylǵy uldyń múrdesi Jaıyq ózeninen tabylyp, jaǵalaýǵa shyǵaryldy», - dep habarlaǵan edi departamenttiń qoǵammen baılanys toby. 

Jaıyq ózenine batqan qyzdy izdeý 1-3 tamyz aralyǵynda úzdiksiz júrgizilgen. Osy kúnderi súigýirler Jaıyq ózeniniń tereńine 20 márte túsip, 12-15 metr tereńge boılaǵan. Sý astyndaǵy izdestirý aýmaǵy 6 myń sharshy metrden asqan. 

«Ózende áli qatty aǵys bar. Sý astynda izdestirý jumysyna kedergi bolatyn bógde zattar da kóp. Munyń sý astyndaǵy kórý múmkindigin tómendetip, izdestirý jumysyna qıyndyq týǵyzdy. Osyndaı sebepterden sýǵa batqan adamdy tabý merzimi kesheýildeıdi. Eń mańyzdy – qaýipsizdik erejesin saqtaý, ásirese, balalardyń sý aıdyndaryna shomylýyna jol bermeý», -dep málim etti departamenttiń qoǵammen baılanys tobynan. 

Eske sala ketelik, budan buryn Atyraýda bir otbasynyń eki balasy Jaıyqqa batyp ketkenin habarlaǵan edik. 

Keıin Atyraý oblysynda taǵy bir jasóspirim sýǵa batyp ketti.