Bir otbasyn órtten qutqarǵan túrkistandyq polıtseıler medalmen marapattaldy

<p>Jańa jyl qarsańynda túrkistandyq qos polıtseı &laquo;Órtte kórsetken qaısarlyǵy úshin&raquo; medalimen marapattaldy, dep habarlaıdy Kazinform.&nbsp;</p>

Oqıǵa qazan aıynda boldy. Túrkistan qalasynyń kóshelerin patrýldep júrgen polıtsııa ınspektorlary Baǵlan Júnisov pen Asan Amanáli jeke turǵyn úıden órt shyǵyp jatqanyn baıqaǵan. Birden órt sóndirýshilerdi shaqyrǵan tártip saqshylary ózderi de kómekke umtylǵan. Úıdiń syrtqy esikteri qulyptaýly bolǵandyqtan, aýlaǵa asyp túsken. Sodan úıge kirip, kók tútinge tunshyǵyp jatqan anasy men eki balany qaýipsiz jerge alyp shyqty.

Artynsha oqıǵa ornyna kelgen órt sóndirýshiler tilsiz jaýdy aýyzdyqtady. Al, jedel járdem qyzmetkerleri órtten zardap shekken áıel men onyń ul-qyzyna alǵashqy kómek kórsetti.

Jańa jyl merekesiniń qarsańynda polıtsııa aǵa leıtenanttary Baǵlan Júnisov pen Asan Amanáli Tótenshe jaǵdaılar mınıstrligi taǵaıyndaǵan «Órtte kórsetken qaısarlyǵy úshin» medalimen marapattaldy. 

«Erekshe erlik isterimen kópshilikke úlgi bolyp, óz salasynda aıryqsha jetistikke jetip kele jatqan áriptesterimizdiń eńbegin qoǵamǵa, ásirese jastarǵa dáripteý – bizdiń mindetimiz. Qoǵamnyń tynyshtyǵy men qaýipsizdigin saqtaý jolynda eńbek etip júrgen jeke quramǵa alǵysymdy bildiremin», - degen Túrkistan oblysy polıtsııa departamentiniń basshysy Murat Qabdenov tártip saqshylarynyń keýdelerine medal taǵyp, alǵys hatpen marapattady.