Bir kúnde — eki kúmis: Nurbek Oralbaı Qazaqstan qorjynyna taǵy bir júlde saldy
Parıj Olımpıadasynda 80 keli salmaqta el namysyn qorǵaǵan otandasymyz fınalda ýkraınalyq Aleksandr Hıjnıakpen altynǵa talasty.
Asa tartysty ótken jekpe-jek qorytyndysy boıynsha tóreshiler sheshimimen Hıjnıak jeńimpaz dep tanyldy.
Osylaısha ýkraınalyq boksshy Parıj Olımpıadasynyń chempıony atansa, qazaq boksshysy Nurbek Oralbaı kúmis júldeger boldy.
Esterińizge sala keteıik, Parıj Olımpıadasyna bas bapker Myrzaǵalı Aıtjanov jeti boksshy alyp kelgen bolatyn.
Ókinishke qaraı, onyń altaýy jarysty erte aıaqtap, kórermen qataryna qosyldy.
Al áıelder boksynan lıtsenzııa jeńip alǵan úsh boksshynyń ekeýi alǵashqy jekpe-jeginde jarys jolyn aıaqtasa, olardyń arasynan 50 keli salmaqta Nazym Qyzaıbaı ǵana el úmitin aqtady.
Ol keshe el qorjynyna Olımpıada oıyndarynyń úshinshi qola júldesin syılaǵan edi.