Bir kodeks jasap, oǵan 3-4 jyl ózgeris engizbeı otyrý múmkin emes - vıtse-mınıstr

<p>ALMATY. KAZINFORM - Almatyda QR Parlamenti Májilisi janyndaǵy Qoǵamdyq palatanyń kóshpeli otyrysy ótti. Іs-sharaǵa Májilis jáne máslıhat depýtattary, kásipkerler men sarapshylar qatysty.</p>

Otyrys barysynda kásipkerler sen sarapshylardyń usynystary men shaǵymdaryna jaýap bergen QR Ulttyq ekonomıka vıtse-mınıstri Azamat Amrın zań jobasyna uzaq merzimde ózgeris engizbeı otyrý múmkin emes ekenin aıtty.

- Bir kodeks jasap, sosyn oǵan 3-4 jyl ózgeris engizbeýge usynys jasaldy. Biraq olaı bolmaıdy. Álem kúndelikti ózgerip otyrady, reformalar jyl saıyn ótedi. Al salyq barlyq salany qamtıdy. Sondyqtan bir salada ózgeris bolǵanda árdaıym salalyq zańnamaǵa ózgeris engiziledi. Biz ózgeris engizbeýge daıynbyz. Biraq ondaı jaǵdaıda bıznes pen «Atameken» UQP-nyń ózi zańǵa ózgeris jasaýǵa ıtermeleıtin bolady, - dedi QR Ulttyq ekonomıka vıtse-mınıstri Azamat Amrın.

Eske salaıyq, Prezıdent jańa Salyq kodeksin qabyldaý merzimin kelesi jylǵa aýystyrýǵa bolatynyn aıtty.

Buǵan deıin jańa salyq kodeksinde tólemder sany 77-ge azaıyp, 6 alym túri qysqartylatynyn jazǵanbyz.

Sondaı-aq jańa salyq kodeksinde josparly salyqtyq tekserýler alynyp tastalmaq.

 

Oǵan qosa, jańa zań jobasy boıynsha eski kólik salyǵy 50%-ǵa tómendeıdi.