Bir aıda 15 bala jol apatynan mert boldy – ІІM
«15 aqpannan bastap el aýmaǵynda «Qaýipsiz jol» profılaktıkalyq is-sharasy ótip jatyr. Onyń aıasynda balalardyń joldaǵy qaýipsizdigin qamtamasyz etýge baǵyttalǵan «Sizdiń jolaýshy – balańyz!» atty aktsııa da bar. Respýblıka boıynsha bir aıdyń ishinde 15 kámelet jasyna tolmaǵan bala nemese jasóspirim jol apatynan mert boldy. Olardyń 12-si jolaýshy jáne ata-ananyń nemquraılylyǵynan qaıtys boldy», - dedi Іshki ister mınıstrligi Ákimshilik polıtsııa komıtetiniń erekshe tapsyrmalar jónindegi aǵa ınspektory Aqtoty Boranova vedomstvodan ótken brıfıngide.
Osy oraıda Іshki ister mınıstrliginiń ókili jolaýshylardy jol erejesi men qaýipsizdigin qatań saqtaýǵa shaqyrdy.
«Barlyq talap men erejeni qatań saqtaý qajettigine nazar aýdarǵym keledi, ásirese qolaısyz aýa raıy kezinde. Biz jol erejelerin saqtaı otyryp, ózimiz ben jaqyndarymyzdyń qaýipsizdigin qamtı alamyz», - deıdi ol.
Onyń aıtýynsha, sońǵy eki aptanyń ishinde el aýmaǵynda 175 myń jol erejesin buzý faktisi tirkelgen.
Buǵan deıin elimizde ótken aptada 9 kisi óliminiń tirkelgeni týraly habarlaǵan edik.