Bir aı buryn Nobel syılyǵyn alǵan Nargız Mohammadı túrmede ashtyq jarııalady

<p>Bir aı buryn <a href="https://kaz.inform.kz/news/beybtshlk-salasindagi-nobel-siyligin-31-zhilga-sottalip-turmede-otirgan-nargiz-mohammadi-aldi-3682ae/" target="_blank" rel="noopener">Nobel syılyǵyn alǵan</a> ırandyq quqyq qorǵaýshy Nargız Mohammadı túrmede ashtyq jarııalady. Bul jaıynda onyń otbasy málimdegen, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://www.bbc.com/russian/articles/cw02e0212nqo" target="_blank" rel="noopener">BBC</a> resýrsyna silteme jasap.</p>

51 jastaǵy Mohammadı ózine jáne basqa tutqyndarǵa medıtsınalyq kómek kórsetýden bas tartqany, sondaı-aq hıdjab kııýge mindettegenine narazylyq bildirip otyr. 

Ótken aptada túrme dárigerleri ony emdeýden bas tartqan, óıtkeni Nargız Mohammadı shashyn oramalmen jappaı qoıǵan. 

Ol bir apta boıy túrme bıligi men sot organdaryna birneshe ret júgingen, soǵan qaramastan prokýror Mohammadı hanymdy emdeý úshin aýrýhanaǵa aýystyrýǵa qarsy bolǵan. 

«Onyń júregi men ókpesi syrqat, biraq prokýror ony aýrýhanaǵa jatqyzýǵa tyıym saldy» delingen otbasy habarlamasynda.

Túrmedegi senimdi dárigerdiń qoıǵan dıagnozy men ehokardıogrammasyna sáıkes, shuǵyl medıtsınalyq kómek kórsetý úshin ony kardıologııa ortalyǵyna jatqyzý kerek. 

«Aýrýhanaǵa jatqyzý úshin tutqyn áıelderden hıdjab kııýin talap etý adamgershilikke jatpaıdy jáne moraldyq turǵydan iske alǵysyz», — dep jaǵdaıǵa alańdaýshylyǵyn bildirdi Nobel komıtetiniń tóraǵasy Berıt Reıss-Andersen.

Irannyń sot organdary men túrme bıligi oqıǵaǵaǵa túsinik bergen joq. 

Iran adam quqyqtaryn qorǵaý ortalyǵynyń vıtse-prezıdenti Nargız Mohammadı 13 ret qamaýǵa alynyp, bes ret sottalǵan jáne jalpy 31 jylǵa bas bostandyǵynan aıyryldy.

Oǵan sondaı-aq 154 dúre soǵý jazasy taǵaıyndalǵan, biraq oryndaldy ma, joq pa — belgisiz.