Bir adam ıelik ete alatyn jerdiń shekti kólemi qandaı bolmaq
«2022 jyldyń 8 aqpanynda ótken Úkimettiń keńeıtilgen otyrysynda Memleket basshysy jer ýchaskeleriniń shekti mólsherin anyqtaý úshin sarapshylar men ǵylymı ınstıtýttardyń qatysýymen jumys tobyn qurýdy tapsyrǵan bolatyn. Jumys tobyna memlekettik jáne jergilikti atqarýshy organdardyń, „Atameken“ UKP-nyń ókilderi, zertteý ınstıtýttarynyń, ǵylymı-óndiristik ortalyqtardyń ókilderi, sharýa qojalyqtarynyń basshylary, qoǵam qaıratkerleri kirdi. Jumys toby jumysynyń qorytyndysynda, sonymen qatar Qazaq agrarlyq-ónerkásiptik kesheniniń ekonomıkasy jáne aýyldyq aýmaqtardy damytý ǵylymı-zertteý ınstıtýtynyń esepteýleri negizinde aýyl sharýashylyǵy jerleriniń shekti mólsheri boıynsha usynys ázirlendi. Onda jer kólemi jergilikti jaǵdaıǵa jáne erekshelikterge baılanysty zańdy tulǵalarǵa 51 myń gektardan, al sharýa qojalyqtaryna 35 myń gektardan aspaıdy», — dep atap ótedi Úkimet basshysy jaýabynda.
Degenmen Premer-Mınıstrdiń aıtýynsha, aýyl sharýashylyǵy taýarlaryn óndirýshilerden aýyl sharýashylyǵy maqsatyndaǵy jerdiń mundaı mólsherin qaıta qaraýǵa qatysty usynystar túsip jatyr.
«Aýyl sharýashylyǵy maqsatyndaǵy jerlerdi qorǵaý jáne paıdalaný máselesi oblys ákimdikteriniń qatysýymen úkimettik jumys komıssııasynyń otyrysynda turaqty túrde qaralady. Komıssııa maqsaty — aýyl sharýashylyǵy jerlerin tıimdi paıdalaný máselelerin qarastyrý, sondaı-aq jerdi ashyq ári ádil bólý arqyly odan ary aýyl sharýashylyǵy aınalymyna engizý. Aýyl sharýashylyǵy jerleriniń shekti mólsherin qaıta qaraý máselesi atalǵan komıssııa aıasynda qarastyrylady», — dedi Oljas Bektenov.