Bozymbaev Qyzylordadaǵy JEO-da murjanyń qulaýy oqıǵasyna túsinik berdi
«Qazir ol jerde komıssııa jumys istep jatyr. Osy oraıda olar ózderiniń tujyrymyn málimdeýi tıis. Jergilikti atqarýshy organdar komıssııamen birlese barlyq mán-jaıdy baıandaıdy. Meniń bilýimshe, bul nysan Jylý elektr ortalyǵynyń 10 jyldan astam ýaqyttan beri jumys istemeı turǵan bóligi. Atalǵan aımaqta tazartý jumystary júrzilip, eski nysan súrilip jatqan bolatyn. Tájirıbege súıensek, eger de osyndaı jaǵdaıda adamdardyń ómiri qıylsa, onda tehnıkalyq qaýipsizdiń erejesi buzylǵandyǵy anyqtalady. Sondyqtan da tıisti komıssııa barlyǵyn zerdelep, tıisti qorytyndy shyǵarady», - dedi Bozymbaev Májilistegi Úkimet saǵatynan keıin.
Budan buryn habarlanǵandaı, 14 mamyrda saǵat 19.00-de buzý jumystaryn júrgizý barysynda Qyzylordadaǵy JEO murjasy «Altyn LTD» JShS-nyń eki jumysshysynyń ústine qulap ketti. Olardyń biri oblystyq medıtsına ortalyǵyna jetkizildi, ekinshisi qırandylar astynda qalyp qoıdy.
15 mamyrda saǵat 3:45-te Ońtústik óńirlik aeromobıldi jedel-qutqarý jasaǵynyń kınologııalyq eseptoby qırandy astynda qalǵan ekinshi jumysshynyń máıitin tapty.