Bozymbaev: Qashaǵannan munaı óndirýdi shekteý týraly sóz múldem bolmaýy tıis
«Bizdiń úlesimiz tym az. Egerde, álemde táýligine 34 mln. barrel munaı óndirilse, ondaǵy Qazaqstannyń úlesi ne-bári 1,5 mln. tonna ǵana. Bizdiń (munaı óndirý kólemin) qysqartqanymyz nemese arttyrǵanymyz aıtarlyqtaı úlken ról oınamaıdy», - dedi Bozymbaev BAQ ókilderiniń saýalyna oraı.
Mınıstrdiń deregine sáıkes, álemde munaı óndirý kólemi boıynsha aldyńǵy orynda Saýd Arabııasy men Reseı Federatsııasy kele jatyr.
«Mine, osylar bir sheshimge kelýi tıis. Olardyń árqaısysy táýligine 10 mln. barrelden astam munaı óndiredi. Olar ózderiniń kesimdi pikirlerin bidirýi tıis, barlyq óndiriletin kólemniń 60 paıyzdan astamy osy elderge tıesili. Munan bólek, táýligine shamamen 4 mln. barrel óndiretin Iran, Parsy shyǵanaǵynyń ózge de elderi, Brazılııa, Meksıka bar. biz kelissózderdiń barlyǵyna da baıqaýshy retinde qatysýdamyz», - dedi mınıstr.
Sonymen birge Bozymbaev 28 qyrkúıekte Qashaǵannan munaı óndirý bastalǵanyn eske salyp ótti.
«Qashaǵannan munaı óndirý kólemin shekteý týraly múldem sóz bolmaýy tıis. Óıtkeni, mindetteme bar, kóp qarjy salyndy, muny eshkim de shektemeıdi», - dedi ol.