Bozymbaev depýtattyń synyna jaýap berdi
Esterińizge sala ketsek, ótken aptada ótken Úkimet otyrysynan keıin BAQ ókilderiniń janar-jaǵarmaıǵa qatysty qaıta-qaıta qoıylǵan saýaldaryna jaýap bere kele Qanat Bozymbaev «18-ret aıtyp bereıin. Qarashanyń sońynda biz baǵa túzeledi dep kútip otyrmyz», - degen bolatyn. Mınıstrdiń dál osy sózi Májilis deptýtaty Mıhaıl Chırkovtyń shamyna tıgen edi.
«Aldyńǵy kúni ǵoı deımin, úlken sheneýniktiń biri Úkimet otyrysynan shyǵady jáne oǵan jýrnalıster jaqyndap saýal qoıady. Al ol: «18-shi ret túsindiremin», dep jaýap beredi. Odan ary sózbe-sóz qalaı bolǵany esimde joq. Biraq, bul ne qylǵan minez?», - degen edi depýtat aqparat jáne kommýnıkatsııalar máseleleri jónindegi zań jobasyn talqylaýǵa arnalǵan otyrystardyń birinde.
Sonymen Chırkovtyń atalǵan synyna jaýap bergen mınıstr bylaı dedi: «Siz deptýtat 18 ret degenime qatysty aıtqanyn surap tursyz ba? Ol mátinnen úzip alynǵan sóılem ekendigin túsinbegen shyǵar. Óıtkeni, biz osy jerde ózderińizben birge kúlip turdyq. Jaǵdaıdyń munaı ónimderi naryǵymen baılanysty ekendigin san márte qaıtalap aıttym. Sondyqtan dál sol sózdi taǵy da qaıtalap aıta alamyn. Munan eshqandaı problema kórip turǵanym joq. Úkimettiń jumysyna syn qaraý olardyń (depýtattardyń) jumysy. Jalpy, mınıstrlik Májilispen konstrýktıvti jaqsy baılanysta. Biz olarmen jumys isteımiz. Tipti birneshe ondaǵan jyldan beri jaqsy tanıtyn dostarymnyń Májiliste bar ekendigin de aıta alamyn».