Botsvana prezıdenti Germanııaǵa 20 myń pil jiberemin dep qorqytty

<p>ASTANA. KAZINFORM &mdash; Botsvana Prezıdenti Mokvetsı Masısı Germanııaǵa 20 myń pil jiberemin dep qorqytty. Ol nemis bıliginiń ańshylyq oljalaryn ımporttaýǵa qoıylǵan shekteýine osylaı&nbsp; jaýap berdi, dep jazady <a href="https://www.bbc.com/russian/articles/cw4zz4k8ekdo" target="_blank" rel="noopener">BBC.</a></p>

Germanııanyń qorshaǵan ortany qorǵaý jáne tabıǵatty qorǵaý mınıstrligi aýlanǵan ań ımportyna shekteý engizýdi usynǵan edi. Osydan keıin Prezıdent Masısı nemis Bild basylymyna bergen suhbatynda pilderdiń popýlıatsııasyn qorǵaý boıynsha qabyldanǵan sharalardyń nátıjesinde olardyń kóbeıgeni sonsha, aýlaý olardyń sanyn shekteýdiń jalǵyz joly ekenin eske saldy.

«Eger olardy eksporttaýǵa tyıym salynsa, pilder aýlanbaıdy. Sonyń saldarynan Botsvana halqy tabysynyń edáýir bóligin joǵaltady, al pilder odan da kóbeıe túsedi», - dep túsindirdi prezıdent.

Dúnıe júzindegi pil popýlıatsııasynyń shamamen úshten biri Botsvanada turady – 130 myńnan astam. Pilder egistikterdi taptaıdy, jeke menshik múlikterdi qıratady, keıde adamdardy óltiredi.

Botsvana – úlken memleket. Biraq onyń aýmaǵynyń úshten ekisi shól, al qalǵan bóliginde nebári 2,5 mıllıon adam turady. Botsvana kórshiles Angolaǵa 8000 pil syılady jáne olardyń sanyn qandaı da bir jolmen baqylaýǵa alý úshin Mozambıkke taǵy birneshe júz berýdi pildi usyndy.

Naýryzda brıtandyq parlamentarıı tipti shekteý emes, ańshylyq oljalardyń ımportyna tolyq tyıym salý týraly zań jobasyna daýys berdi. Alaıda bul – qujatty talqylaý jáne qaıta qaraý protsesiniń basy ǵana.