Botanıkalyq baqta «Túlekter alleıasy» ashyldy

<p>ASTANA. KAZINFORM &mdash; Elordada &laquo;Taza Qazaqstan: Astana &ndash; tazalyq pen tártiptiń úlgisi&raquo; atty aýqymdy ekologııalyq aktsııasy ótip jatyr. Bul apta &laquo;Kıeli meken&raquo; uranymen ótip, tarıh jáne mádenıet eskertkishteriniń aýmaǵyn abattandyrýǵa arnalǵan. Aktsııa aıasynda Botanıkalyq baqta &laquo;Túlekter alleıasy&raquo; ashyldy. Bul týraly elorda ákimdiginiń resmı saıty habarlady.</p>

Kárim Myńbaev atyndaǵy №59 mektep-lıtseıiniń 11-synyp oqýshylary aǵashtar otyrǵyzdy.

«Qalany kógaldandyrý óte mańyzdy is-shara dep esepteımin. Mundaı aktsııalarǵa jıi qatysyp turamyn. Saıabaq mańy jyldan-jylǵa kórkeıip keledi. Astanalyqtar jıi keletin ádemi orynǵa aınalýda. Biz ony ári qaraı kútip ustaýymyz qajet», - dedi 11-synyp oqýshysy Nuraı Keńes.

Ekoaktsııaǵa oqýshylardan bólek, ustazdar men ata-analar da atsalysyp júr.

Foto: Astana qalasynyń ákimdigi

«Mundaǵy maqsat – mektep túlekteriniń boıynda ekomádenıettilikti qalyptastyrý. Búgin – tarıhı kún. Óıtkeni qaladaǵy Botanıkalyq saıabaqta alǵash ret 2023-2024 jylǵy «Túlekter alleıasy» ashyldy. 30 shaqty alma aǵashyn otyrǵyzdyq. Álemdegi damyǵan elderdiń 80 paıyzy aǵashtarmen bezendirilgen. Bul qalanyń kórkeıýine, ásemdenýine, ary qaraı damýyna úles qosýda. Taza qorshaǵan orta, taza aýa – bizdiń bolashaqtyń deni saý, táni saý, sanasy taza urpaqtyń qalyptasýyna jáne ósýine áser etetin faktor. Sol úshin bul aktsııany jalǵastyrý kerek dep oılaımyn», - dedi Kárim Myńbaev atyndaǵy 59 mektep-lıtseıiniń 11 synyp jetekshisi Nurbek Erikuly.

Aıta keteıik, Astanada aýqymdy ekoaktsııa ótip jatyr. Ol bes aptaǵa sozylady, olardyń árqaısysy belgili bir taqyrypqa arnalǵan. Osy apta «Kıeli meken» degen ataýmen ótip jatyr.

Al «Jasyl aımaq» dep atalatyn úshinshi apta aǵash otyrǵyzýǵa, ekpelerdi aqtaýǵa arnalady.

Foto: Astana qalasynyń ákimdigi

4 mamyrǵa deıingi kezeń – «Ónegeli urpaq», ol ardagerler turatyn aýlalardy jáne qarttar úıleriniń aýmaqtaryn tazalaýǵa jáne abattandyrýǵa arnalady.

Sońǵy, besinshi aptada «Móldir bulaq» dep atalatyn sý aıdyndary – ózender men kólderdiń aınalasy qoqystan tazartylady.