Botanıka baǵyndaǵy tropıktik ósimdikter men palma aǵashtaryna qysta qandaı kútim jasalady

<p>Botanıkalyq baqtyń ujymy Botanıka jáne fıtoıntrodýktsııa ınstıtýtyndaǵy tropıktik jáne sýbtropıktik ósimdikter kollektsııasyna qandaı kútim jasalatynyn <a href="https://www.instagram.com/p/CzIJhoKquii/?utm_source=ig_web_copy_link&amp;igshid=MzRlODBiNWFlZA==" target="_blank" rel="noopener">Instagram</a> paraqshasynda jazdy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;&nbsp;</p>

Botanıkalyq baqtyń málimetinshe, kollektsııalyq tropıkalyq jáne sýbtropıktik ósimdikter jylyjaıda (oranjereıa) ǵana emes, sondaı-aq arnaıy jabdyqtalǵan úsh jylyjaıdan turatyn jylyjaı kesheninde ornalasqan.

Foto: botsadkz/Instagram

«Botanıkalyq baqta jylyjaıdy (oranjereıa) qaıta salý jumystary bastalǵannan beri barlyq derlik ósimdikter jylyjaıǵa kóshirildi. Jylyjaı kesheni ótken jyly jóndeýden ótti, qazirgi ýaqytta onda ǵylymı qyzmetkerle oranjereıadan kóshirilgen ósimdikterdi kútimde ustap otyr. Jylyjaıda qazir kaktýstar men sýkkýlentter, sý bóliminiń ósimdikteri, sondaı-aq oranjereıanyń tropıkalyq jáne sýbtropıkalyq ósimdikteriniń tolyq kollektsııasy bar. Bizdiń jylyjaılar men zerthana qyzmetkerleriniń kúsh-jigeriniń arqasynda ósimdikter kollektsııasyn saqtap qana qoımaı, ǵylymı zertteý men kollektsııalyq qordy tolyqtyrý jumysyn jalǵastyra aldyq», — dep jazady baq ujymy.

Foto: botsadkz/Instagram

Sońǵy eki jyldaǵy qıyndyqtarǵa qaramastan ınstıtýt basqa botanıka baqtarynan tropıkalyq jáne sýbtropıkalyq ósimdikterdiń 250-den astam jańa sortyn alǵan.

Foto: botsad.kz/Instagram

Bul rette Tsıtsyn atyndaǵy bas botanıkalyq baqtan (Máskeý) jáne V. L. Komarov atyndaǵy botanıka ınstıtýtynan 92 takson ósimdigi ákelingen.

«Zerthana qyzmetkerleri sondaı-aq agrotehnıkalyq jumys júrgizip, salynyp jatqan jylyjaı ishindegi ósimdikter — iri palma aǵashtarynyń jaı-kúıine turaqty monıtorıng júrgizedi. Jyly mezgilde sanıtarlyq kesý, ósimdikterdi qorektendirý, óńdeý jáne qystaýǵa daıyndyq jumysy jasaldy. Ótken kúz ben qystaǵydaı ınstıtýt qyzmetkerleri oranjereıada palma aǵashtaryn saqtaý úshin kútim jasap, tıisti jaǵdaıdyń bárin saqtaýdy josparlap otyr», — dep habarlady baqtyń baspasóz qyzmeti. 

Foto: botsadkz/Instagram

Qazirgi tańda josparǵa sáıkes aǵashtardy jaýyp, aýa raıy sýyǵan kezde qalypty temperatýrany ustap turatyndaı jylytý múmkindigin qamtamasyz etý jumysy júrip jatyr.

«Ol úshin merdiger kompanııa „Shah“ JShS jylyjaıdyń birqatar bóliminiń qabyrǵalaryn betondaý men nyǵaıtý jumysyn bastady. Osylaısha aǵash tamyrlary qorǵalýy tıis. Al ınstıtýt sýyq mezgil bastalǵansha aǵashtardy ústinen jaýyp, kúmbezdiń ishinde jylý „pýshkalarymen“ jylytýdy qamtamasyz etý úshin qosymsha kúmbez salýdy josparlap otyr», — deıdi botanıkalyq baq ujymy. 

Foto: botsadkz/Instagram

Eske salsaq, munyń aldynda botanıka baǵy jylyjaıdy qaıta salý jumystary qashan aıaqtalatynyn habarlaǵan bolatyn.

Foto: botsadkz/Instagram