Botagóz Qaldaıaqova Ádilet mınıstrliginen Avtorlar qoǵamynyń qyzmetin tekserýdi surady

<p>ASTANA. KAZINFORM &ndash; Botagóz Qaldaıaqova Ádilet mınıstrligi Avtorlar qoǵamynyń qyzmetin tekserý kerek ekenin surap otyr. Kompozıtordyń otbasy avtorlyq quqyqty basqarýǵa kóńili tolmaıdy.</p>

«2019 jyldan beri tólemder toqtatyldy. Qazir az mólsherde júrip jatyr. Kúni keshe ǵana bir toqsanǵa 55 hıt ánniń avtory Shámshi Qaldaıaqovtyń shyǵarmalaryn paıdalanǵany úshin 22 myń teńge aldyq. Bul Ánurannan bólek, óıtkeni qazir Ánuran – memlekettiń menshigi», – deıdi Botagóz Qaldaıaqova.

Ol Qaldaıaqov atyndaǵy qordyń dırektory retinde kóptegen is-sharany ótkizý úshin únemi qarajat izdeıtinin, bul rette Avtorlar qoǵamy shyn máninde úlken qarjy jınaıtynyn aıtty. Sondaı-aq, ol Qaırat Nurtastyń án mátinderiniń avtoryna tólenetin tólemdi tilge tıek etti.

Onyń aıtýynsha, avtor óleńderi úshin 1 mln teńgeden bastap alady.

Atalǵan máselege baılanysty Ádilet vıtse-mınıstri Botagóz Jaqselekova tekserý júrgizýge ýáde berdi.