«BOTA» qory 2014 jyldyń mamyr aıynda óz qyzmetin toqtatady
«BOTA» qory 2014 jyldyń mamyr aıynda óz qyzmetin toqtatady. 2009 jyldan beri qor qomaqty bilim, mol ádisteme jáne Qazaqstandaǵy áleýmettik jaǵynan az qamtylǵan otbasylarmen jumys jasaýdyń erekshe tetikterin jınaqtap úlgerdi. Bul áleýmettik qamtamasyz etý salasyndaǵy 20 myqty eldiń tájirıbesi boıynsha qurylǵan óte qyzyqty ınnovatsııalyq tetikter. Sondyqtan baǵdarlama aıaqtalǵanymen, biz bul tájirıbeniń budan ári jalǵasyn tapqanyn qalaımyz», - dedi Manen Omarov.
Aıta keteıik, konferentsııa Qordyń jáne onyń elimizdegi áleýmettik qyzmet kórsetý baǵytynda jumys isteıtin seriktesteriniń jetistikterin baıandaý maqsatynda ótkizilgen bolatyn.
«BOTA» Qory óz qyzmetin 3 baǵdarlama negizinde júzege asyrdy. Kelisilgen aqshalaı járdemaqylar baǵdarlamasy (KAJB) Qordyń eń iri baǵdarlamasy bolyp tabylady. Onyń aıasynda járdemaqylar berilip, eriktiler trenıngter júrgizedi jáne turmysy tómen otbasylarǵa áleýmettik kómek kórsetýde basqa da ınnovatsııalyq tásilder qoldanyldy. KAJ baǵdarlamasynyń jalpy jumys jasaǵan kezeńinde oǵan 100 myńnan astam adam qatysty, jáne Baǵdarlama benefıtsıarlaryna 3,8 mlrd.teńge kóleminde járdemaqylar tólendi.
Áleýmettik qyzmetterdi qoldaý baǵdarlamasy (ÁQQB) KEU-ǵa jetim balalardy jáne áleýmettik jaǵdaıy tómen otbasylardaǵy balalar men jastardy qoldaýǵa baǵyttalǵan jobalardy júzege asyrý maqsatynda grant negizinde qarjy bóledi. 2009 jyldan beri Qazaqstan boıynsha 571 áleýmettik joba qarjylandyryldy. Grantqa jumsalǵan qarajattyń kólemi 1,4 mlrd. teńgeni qurady. ÁQQB 33 myńnan astam benefıtsıarǵa qyzmet kórsetti.
Bilim granttary baǵdarlamasy (BGB) búgingi tańda Qazaqstannyń ár aımaǵynda turatyn 700-den astam stıpendıatqa joǵary, tehnıkalyq jáne kásibı bilim alýǵa múmkindik týǵyzyp otyr. Olardyń 127-si bıyl oqýlaryn támamdaıdy. 2012 jyly Baǵdarlama túlekteriniń jumysqa ornalasýyn qoldaý týraly strategııany jasap shyǵardy. Qordyń jumys jasaǵan ýaqytynan beri BGB 841 bilim grantyn bólgen. Baǵdarlama aıasynda 931 mln. teńge kóleminde tólemder jasaldy.
«BOTA» Qoǵamdyq qory -Qazaqstandaǵy áleýmettik jaǵdaıy tómen otbasylardan shyqqan balalar men jastardyń ál-aýqatyn olardyń densaýlyǵy, bilimi men áleýmettik qorǵalýyna ınvestıtsııa jasaý arqyly jaqsartý mıssııasyn ustanǵan elimizdegi eń iri qor. Búgingi kúnge deıin Qazaqstannyń áleýmettik jaǵdaıy tómen otbasylaryndaǵy 140 myńnan astam áıelder, balalar men jastar «BOTA» Qorynyń úsh baǵdarlamasynyń aıasynda kómek aldy.