Bos jumys oryndarynyń jármeńkesi ótti - Qyzylorda

QYZYLORDA. QazAqparat - Qyzylorda qalalyq jumyspen qamtý jáne áleýmettik baǵdarlamalar bólimi jáne jastar resýrstyq ortalyǵy Pavlodar oblysynyń jumys berýshiler delegatsııasymen birlesip, qaladaǵy jumyssyz júrgen azamattarǵa «Soltústik óńirlerdegi bos jumys oryndary týraly» jármeńke uıymdastyrdy, dep habarlaıdy jastar resýrstyq ortalyǵynyń baspasóz qyzmeti.

 Qalalyq jumyspen qamtý jáne áleýmettik baǵdarlamalar bóliminiń yqpalymen osy ýaqytqa deıin 3221 adam jumysqa ornalastyryldy. Jumysqa tartýdyń belsendi túrleriniń biri: ol qalada aı saıyn «Bos jumys oryndary jármeńkesin» ótkizý bolyp otyr.

Búgin  «Bos jumys oryndary jármeńkesine» Pavlodar oblysy boıynsha 39 mekemeden aldyn ala 222 bos oryndarǵa suranystar kelip tústi.  Onyń ishinde: mal dárigeri, malshy, qurylysshylar, mehanızatorlar, agronomdar, kúzetshiler, júrgizýshiler (kombaın, KamAZ), aspazshy, zootehnık, qoıma meńgerýshisi, tokar, dánekerleýshi, elektrık, býhgalter, muǵalimder (aǵylshyn tili, fızıka), laborant, ekonomıst bar.

    Sonymen qatar, qaladaǵy 14 mekemeden aldyn ala 128 bos orynǵa suranystar kelip tústi, onyń ishinde: muǵalim (bastaýysh, orys tili páni muǵalimi), tárbıeshi (orys bólimshesi), dárigerler (okýlıst, akýsher-gınekolog, terapevt, pedıatr, ınfektsıonıst, vtızıatr, psıhıatr, provızor, reanımatolog, rentgonolog, tis dárigeri), kondýktor, kassır, slesar, elektrık jáne agronom.