Boryshker atqarýshylyq is júrgizilgenin SMS arqyly biledi
15:05, 14 Shilde 2020
NUR-SULTAN. QazAqparat - Qazaqstanda boryshkerler atqarýshylyq is júrgizýdiń qozǵalýy týraly aqparatty SMS arqyly alatyn boldy, dep habarlaıdy QazAqparat tilshisi.
«Endi boryshker uıaly telefon nómirine atqarýshylyq is júrgizýdiń qozǵalýy, onda qoldanylatyn shekteý sharalary týraly jáne is boıynsha basqa da málimetterdi alatyn bolady», - delingen QR Ádilet mınıstrliginiń baspasóz qyzmeti taratqan aqparatta.
Osy jyldyń 27 maýsymynda Memleket basshysy «Qazaqstan Respýblıkasynyń keıbir zańnamalyq aktilerine atqarýshylyq is júrgizýdi jáne qylmystyq zańnamany jetildirý máseleleri boıynsha ózgerister men tolyqtyrýlar engizý týraly» Zańǵa qol qoıdy. Zań atqarýshylyq is júrgizý taraptaryn habardar etý ınstıtýtyn jetildiredi.