Bortta jarylys bolýy qaýpinen kúdiktengen reseılik ushaq Bakýge qondy

BAKÝ/EKATERINBÝRG. QazAqparat - Bahreınnen Máskeýge baǵyt alǵan «Ýralskıe avıalınıı» kompanııasynyń ushaǵy komandıriniń bortta bomba bolýynan kúdiktenýine baılanysty dúısenbi kúni Bakýge qonýǵa májbúr boldy, dep habarlaıdy «QazAqparat» HAA TASS agenttigine silteme jasap.

Bul týraly Geıdar Álıev áýejaıynyń baspasóz qyzmetinen habarlady.

Bahreınnen Máskeýge ushqan «Ýralskıe avıalınıı» áýe kompanııasynyń Airbus A321 ushaǵy dúısenbi kúni Baký ýaqytymen saǵat 14.56-da halyqaralyq áýejaıǵa sátti qondy», - delingen habarlamada.

Baspasóz qyzmeti májbúrli qonýǵa sebep «áýe kemesi komandıriniń ushaq bortynda bomba bolýynan kúdiktenýine baılanysty boldy», - dep túsindirdi.

«Laıner bortynda ekıpaj múshelerin qosqanda barlyǵy 225 adam bolǵan. Áýe kemesiniń komandıri jolaýshylardy shuǵyl evakýatsııalaýǵa sheshim qabyldady», - delingen habarlamada.

Ázerbaıjan memlekettik qaýipsizdigi qyzmetiniń baspasóz qyzmeti TASS tilshisine oqıǵaǵa baılanysty ázirge eshqandaı derekterdiń anyqtalmaǵandyǵyn málim etken.