Borıs Kerimbaevty eske alýǵa arnalǵan týrnırde astanalyq balýandar top jardy

<p>ASTANA. KAZINFORM &ndash; Grek-rım kúresinen Borıs Kerimbaevty eske alýǵa arnalǵan 2007-2008 jyly dúnıege kelgen jasóspirimder arasynda ótken alǵashqy respýblıkalyq jarys máresine jetti.</p>

3 kúnge jalǵasqan týrnır qorytyndysy boıynsha Astana qalasynyń boz kilem sheberleri top jardy.

«Aýǵan soǵysynyń ardagerleri uıymdastyryp jatqan jasóspirimder arasyndaǵy respýblıkalyq báseke kóńilimizden shyqty. Kúnniń aıazyna qaramastan, elimizdiń túkpir-túkpirinen kelgen oblystarǵa alǵysymdy bildiremin. Eresekter arasyna qosylatyn jasóspirimder úshin bul jaqsy tájirıbe boldy dep oılaımyn», — dedi Astana qalasynyń bas jattyqtyrýshysy Ádil Aljekıev.

Sondaı-aq, týrnırdiń eń úzdik balýany nomınatsııasyn 71 kelide chempıon atanǵan elordalyq sportshy Ahalbek Ábilmansur jeńip aldy.

Jalpy komandalyq esep:

1. Astana q. — 3 altyn, 3 kúmis, 4 qola

2. Abaı obl. — 2 altyn, 1 kúmis, 3 qola

3. SQO — 2 altyn, 1 qola

4. Atyraý obl. — 1 altyn, 2 qola

5-6. Qostanaı obl. — 1 altyn

5-6. Qyzylorda obl. — 1 altyn

7. Aqmola obl. — 1 kúmis, 3 qola

8. ShQO — 2 kúmis, 1 qola

9-10. Aqmola obl. — 1 kúmis

9-10. Shymkent q. — 1 kúmis

11. Almaty q. — 4 qola

12-14. Pavlodar obl. — 1 qola

12-14. Jambyl obl. — 1 qola

12-14. Qaraǵandy obl. — 1 qola.