Boranǵa baılanysty Shahtınsk qalasynyń biraz bóligi jaryqsyz otyr

<p>Shahtınsk qalasynda daýyl saldarynan birneshe oramdaǵy turǵyn úıler jaryqsyz qaldy. Kommýnaldyq qyzmetter aqaýdy joıý úshin qarqyndy rejımde jumys istep jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.</p>

Qatty boran saldarynan Shahtınsk qalasynda elektr jelisi úzilip ketti. Saldarynan birneshe oramnyń turǵyndary jaryqsyz qaldy.

«Daýyl men borannyń saldarynan elektr jelileri úzildi. Osyǵan baılanysty qalanyń birneshe kvartaly elektr qýatynsyz qaldy. Qyzmetter jumysyn jalǵastyryp jatyr. Úılerge elektr qýatyn qosýǵa tyrysyp jatyrmyz. Alaıda, qolaısyz aýa raıyna baılanysty aqaýdy tez joıýǵa múmkindik bolmaı jatyr. Jóndeý jumystary Novodolınskide de júrgizilýde. Jaǵdaı qala ákiminiń baqylaýynda. Barlyq kommýnaldyq qyzmetter kúsheıtilgen rejımde jumys istep jatyr», — dedi Shahtınsk qalasy ákiminiń baspasóz qyzmeti.

Qala turǵyndary elektr qýatynyń óshýine baılanysty jylýmen qamtamasyz etý júıesinde kidiris bolady dep ýaıymdaǵan bolatyn.

Alaıda qala bıligi JEO shtattyq rejımde jumys istep tur dep sendirdi.

«Qaladaǵy jylý kózderi shtattyq rejımde jumys istep tur. JEO boıynsha 2 qazandyq istep tur, bireýi rezervte. Shahan kentinde de qazandyq shtattyq rejımde jumysyn jalǵastyryp jatyr, 2 qazandyq qosýly, bireýi rezervte tur», — dep tolyqtyrdy Shahtınsk qalasynyń ákimdigi.