Boranbaev Ulttyq paralımpıada komıtetiniń prezıdenti bolyp qaıta saılandy

<p>ASTANA. KAZINFORM &ndash; Parıj Olımpıadasy aıaqtalǵannan keıin dástúrge saı paralımpıadashylar júldeni sarapqa salatyny belgili. Dúbirli doda qarsańynda Ulttyq paralımpıada komıtetiniń prezıdenti bolyp qaıta saılanǵan kásipker Qaırat Boranbaev josparlarymen bólisti.</p>

«Men Paralımpıada federatsııalary ókilderiniń biraýyzdan sheshimimen ulttyq paralımpıada komıtetiniń prezıdenti bolyp saılandym. Meni qoldaǵandardyń bárine alǵys aıtqym keledi. Men úshin bul óte mańyzdy qyzmet. Biz Qazaqstanda paralımpıadalyq qozǵalysty damytý jónindegi aýqymdy strategııamyzdy iske asyrý jolyndamyz. Sońǵy jyldary qol jetkizgen jetistiktermen toqtap qalmaımyz. Josparymyz kóp», - dedi Qaırat Boranbaev óziniń áleýmettik paraqshasynda.

Onyń aıtýynsha, búginde Frantsııa astanasy Parıjde jalaýyn jelbiretetin Paralımpıada oıyndaryna qyzý daıyndyq júrip jatyr. Jyl sońyna deıin Astanada jańa jattyǵý ortalyǵynyń qurylysy bastalmaq. Sondaı-aq «Tarlan» ınklıýzıvti muz aıdynyn qaıta jańartý josparlanyp otyr. Budan bólek paralımpıadashylarǵa arnalǵan zamanaýı trenajerler satyp alynbaq.

«Meniń maqsatym-paralımpıadalyq sporttyń tıimdi júıesin qurý jáne Qazaqstannyń óńirdegi sporttyq kóshbasshylyǵyn nyǵaıtý. Osy jolda meni qoldaıtyndardyń barlyǵyna rızamyn!», - dedi ol.

Esterińizge salsaq, Qaırat Boranbaev bul qyzmetti 2015 jyldyń naýryz aıynan beri atqaryp keledi.